5 май көндө ауылда гөрләп-шаулап урамдар арһында ярыш концерты уҙып китте. Ярышты ауылдың төп урамы - Еңеүҙең 40 йыллығы урамы үҙ өҫтонә алған ине....
Концерт ауылдаштарҙың, урамдаштарҙың нисек дуҫ, дәррәү, ихлас икәнлегенә ишара ла булды ул. Был концертты алып барыусы Зәйнуллина Гөлсәсәк үҙ бурысын шундай юғары кимәлдә алып барҙы, ысын ошо һөнәр оҫталары көнләшер ине....
Концерт башлыса заманса аппаратура ҡулланып башҡарылды. Алай ҙа клубыбыҙ өр-яңы аппаратураға эйә.
Бигерәк тә мәктәп уҡыусылары бейеүҙәре менән ауыл халҡын шаҡ ҡатырҙы. Хөснөтдинов Данил, Эльвираның ғаиләһенең ихлас ҡатнашыуы, Ғәзиз Хәмзиндең, Ҡобора Сәғәҙиеваның йырлауҙары, Ғәфүрә Асҡарованың шиғыры тамашасыларға хуш килде. Ә ололарҙан Вәсилә Мостафинаның үҙе яҙған шиғыры менән сығыш яһауы ауылдаштар өсөн бер матур асыш булды... Иршат ағай Ихсанов менән Роза апай, Әүбәкирова Вәхиҙә еңгәй концертҡа матур йырҙары, Вәкил Баҡыев көләмәстәре менән халыҡ күңеленә оҡшанылар.
Концерт эстафетаһы ауылдың Тыныслыҡ урамына тапшырылды, уларҙан һуң Йәштәр урамы сираты...
| 
